Քրդստանի աշխատավորական կուսակցությունը (ՔԱԿ) աջակցություն է ստանում որոշ եվրոպական երկրների կողմից, հայտարարել է թուրքական խորհրդարանի խոսնակ Ջեմիլ Չիչեկը, երկուշաբթի հայտնել է «Անադոլու» գործակալությունը:

Միջազգային համագործակցությունն ահաբեկչության դեմ պայքարում բավականին ուժեղ չէ և արդյունք չի տալիս, գտնում է Չիչեկը: Թուրքիայի հակամարտությունը ՔԱԿ-ի հետ, որը պահանջում է անկախ քրդական պետության ստեղծում, շարունակվում է արդեն 25 տարի, այն խլել է շուրջ 40 հազար կյանք: ՔԱԿ-ը ահաբեկչական կազմակերպություն է ճանաչվել ՄԱԿ-ի ու ԵՄ կողմից:

ՔԱԿ գրոհայինները բազմիցս են սպառնացել Թուրքիայի իշխանություններին զինված հակամարտության ակտիվացմամբ, եթե կոնկրետ քայլեր չձեռնարկվեն բազմամյա քրդական խնդրի լուծման համար: