Սիրիայում 11 դիտորդներ Արաբական պետությունների լիգայի (ԱՊԼ) առաքելությունից տուժել են հարձակման արդյունքում:

Ինչպես հաղորդում է 1news.az-ը` հղում կատարելով ԻՏԱՐ-ՏԱՍՍ-ին, մոնիթորինգի խումբը հարձակման է ենթարկվել անհայտ ցուցարարների կողմից: Բոլոր տուժածները աննշան վնասվածքներ են ստացել և ավելի ուշ շարունակել են կատարել իրենց գործառույթները: Միջադեպը տեղի է ունեցել Միջերկրական ծովի Լաթակիա առափնյա քաղաքում, երբ բողոքարարների ամբոխները գրոհել են մեքենաները, որոնցով երթևեկում էին դիտորդները:

ԱՊԼ-ն արդեն հանդես է եկել իր դիտորդների վրա հարձակումների դատապարտմամբ` սիրիական կառավարության վրա բարդելով կատարվածի ողջ պատասխանատվությունը: Միևնույն ժամանակ միջարաբական ընկերության ներկայացուցիչները ընդգծել են, որ այդ միջադեպը չի ազդել իր առաքելության աշխատանքի վրա: Տուժածների ազգային պատկանելությունը չի ճշտվում: Այդ միջոցին երկու փորձագետներ էմիրություններից թեթև վնասվածք են ստացել «չնույնացված ցուցարարների» կողմից:

Մոնիթորինգի խումբը սուդանյան գեներալ Մուհամմեդ Ահմեդ Մուսթաֆա ադ-Դաբիի ղեկավարությամբ իր աշխատանքը Սիրիայում մեկնարկել է դեկտեմբերի 26-ին: Ներկայումս երկրում ավելի քան 160 դիտորդ է գտնվում, որոնք հետևում են Բաշար Ասադի վարչակարգի կողմից երկրում ներքաղաքական ճգնաժամի կարգավորման վերաբերյալ ԱՊԼ առաջարկած նախաձեռնության շրջանակում ստանձնած պարտավորությունների կատարմանը: Այս շաբաթվա վերջին դիտորդների թիվը ծրագրվում է հասցնել 200-ի: