Հունվարի 11-ին Ուկրաինայի Գերագույն ռադայում տեղի են ունեցել «Ուկրաինայի էթնոազգային քաղաքականությունը. նվաճումներն ու հեռանկարները» թեմայով լսումներ: Լսումների կազմակերպիչնր էր Ռադայի մարդու իրավունքների, ազգային փոքրամասնությունների ու ազգամիջյան հարաբերությունների կոմիտեն: Միջոցառմանը մասնակցել են պատգամավորներ, ազգային համայնքների ներկայացուցիչներ, Ուկրաինայի ազգային փոքրամասնությունների միության փոխնախագահ, Ուկրաինայի հայերի միության գործադիր տնօրեն Աշոտ Մարությանը:

Ինչպես հայտնում է Analitika.at.ua-ն, զեկույցով հանդես է եկել Ղրիմի վաստակավոր ուսուցիչ, Ուկրաինայի հայերի միության ներկայացուցիչ Թամարա Սալիստայա-Գրիգորյանը: Զեկույցում ներկայացվել են հայ համայնքի իրողություններն ու հուզող հարցերը: Նա նշել է, որ հայերը հնարավորություն են ստացել վերաբացելու իրենց հին եկեղեցիները ու կառուցել նորերը, զբաղվել կրթական հարցերով, կազմակերպել համայնքային կառույցների աշխատանքները: Բանախոսը հատկապես կարևորել է Ուկրաինայի կրթության ու գիտության նախարարության կողմից հայոց լեզվի ծրագրի հաստատումը: Նշվել են նաև Analitika.at.ua-ի նվաճումները: