Samsung ընկերության փոխնախագահ Թաե-Ջին Կանգը CES 2012 միջազգային ցուցահանդեսի ժամանակ հայտնել է, որ ընկերությունը ինտեգրում է իր bada կոչվող բջջային օպերացիոն համակարգը Intel ընկերության մշակած Tizen-ի ներքո։ Այս մասին գրում է Forbes-ը։Թե երբ կավարտի ինտեգրման գործընթացը փոխնախագահը չի նշել։ Իսկ երբ ավարտվի, Tizen-ով հնարավոր կլինի օգտագործել bada-ի ծրագրային փաթեթով նախագծված ծրագրերը (SDK)։

bada-ի և Tizen-ի նախագծողներին տրվելու են միևնույն ծրագրային գործիքները։

«Եթե ծրագրավորողները իմանան, ինչպես նախագծել bada-ի համար, ապա նրանք կկարողանան հասկանալ նաև թե ինչպես պատրաստել Tizen ծրագրեր»,- նշել է Կանգը։