Ռուսաստանի ԱԳ նախարար Սերգեյ Լավրովը երկուշաբթի օրը հանդիպել է ԱՄՆ Պետքարտուղարի առաջին տեղակալ Ուիլյամ Բերնսի հետ և քննարկել իրադրությունը Իրանում և Սիրիայում, հաղորդում է ՌԻԱ Նովոստին` հղում կատարելով ՌԴ ԱԳՆ-ին:
«Հանդիպման ընթացքում քննարկվել են երկկողմ օրակարգի հարցեր, ինչպես նաև իրադրությունն Իրանի շուրջ և դրությունը Սիրիայում»,- հաղորդել է ՌԴ ԱԳՆ տեղեկատվության և տպագրության բաժինը:
Հանդիպմանը մասնակցել է Ռուսաստանում ԱՄՆ նոր դեսպան Մայքլ Մակֆոլը, որը Մոսկվա է ժամանել հունվարի 14-ին: