ՀԱԵ Կոստանդնուպոլսի թեմը դեռ փորձում է վերադարձնել հայկական պատմական առևտրի կենտրոնը
Ստամբուլում շարունակվում է պայքարը «Սանասարյան Խան» հայկական պատմական առևտրի կենտրոնը հայ համայնքին վերադարձնելու շուրջ: Սակայն, ինչպես նշել է Թուրքիայի ֆոնդերի գլխավոր տնօրեն Ադնան Էրթեմը, ըստ գործող օրենքի, շենքը չի կարող վերադարձվել, գրում է haberturk-ը:
«Սանասարյան Խան» շենքը գրանցվել է ֆոնդերի գլխավոր տնօրինությունում 76 տարի առաջ, երբ Թուրքիայի ազգային փոքրամասնություններն իրավական կարգավիճակ ստացան: Եթե այն ժամանակ թեմը գրանցվեր, շենքը նրանց կպատկաներ»,-ասել է Ադնան Էրթեմը:
Կոստանդնուպոլսի թեմը բողոքարկել է դա Ստամբուլի դատարանում, որը որոշել է ժամանակավոր արգելանք դնել առևտրի կենտրոնի վրա:
Սակայն, ըստ Էրթեմի, շենքը չի վաճառվի և անհանգստանալու կարիք չկա: «Մենք կբողոքարկենք դատարանի այդ որոշումը»,-ասել է նա:
