Հունվարի 16-ին Լեռնային Ղարաբաղի Հանրապետության արտաքին գործերի նախարարի պաշտոնակատար Վասիլի Աթաջանյանը ընդունել է ԵԱՀԿ Գործող նախագահի Անձնական ներկայացուցիչ դեսպան Անջեյ Կասպրշիկին: Հանդիպման ժամանակ քննարկվել են Լեռնային Ղարաբաղի և Ադրբեջանի զինված ուժերի շփման գծում ներկա իրադրության վերաբերյալ մի շարք հարցեր, ինչպես նաև հունվարի 17-ի պլանավորված դիտարկումը ադրբեջանա-ղարաբաղյան հակամարտության գոտում:
Երկու կողմից ընդգծվեց կրակի դադարեցման ռեժիմի պահպանման և ամրացման, շփման գծում միջադեպերի կանխման մեխանիզմերի ստեղծման անհրաժեշտությունը, հայտնում է ԼՂՀ ԱԳՆ մամուլի ծառայությունը: