Ադրբեջանցի հաքերները «վրեժխնդիր» են եղել Իրանից պատասխան կիբերհարձակումներով18 հունվարի 2012 - 18:24 AMT PanARMENIAN.Net - Ադրբեջանցի հաքերները հարձակում են գործել մի քանի տասնյակ իրանական կայքերի վրա՝ ի պատասխան Ադրբեջանի կառավարական ինտերնետ-ռեսուրսների վրա գրոհների, հայտնում է BBC-ին: Կոտրված կայքերից միայն երեքն են կառավարական, մյուս 40-ը եղել են իրանական .ir դոմենի գոտում: Կոտրված կայքերում հաքերները զետեղել են իրենց խմբավորման լոգոտիպը և «Հունվարի 20. Չենք մոռացել» գրառումը: Հունվարի 20-ն Ադրբեջանում սգո օր է՝ Բաքվում խորհրդային զորքերի կողմից ընդդիմության ճնշման հիշատակին: Ոճրագործները կոտրված էջերում նաև բացասական բովանդակության ուղերձներ են թողել Ռուսաստանի, Հայաստանի, ինչպես նաև AzerianCyberarmy խմբավորման հասցեին, որը պատասխանատու է Ադրբեջանի մի շարք պետական կայքերի վրա հարձակում գործելու համար: Ըստ ոչ պաշտոնական տվյալների, ադրբեջանական կայքերի վրա հարձակումը կազմակերպվել էր Իրանում: AzerianCyberarmy խմբավորման անվանումն այս դեպքում կարող է վերաբերվել Իրանի ադրբեջանցիներին, որոնք բնակվում են Իրանի հյուսիս-արևմուտքում: Հունվարի 16-ին Ադրբեջանում իշխող «Ենի Ադրբեջան» կուսակցության կայքում հանցագործները «վիրավորական դիտողություններ» են թողել իշխանությունների հասցեին՝ զգուշացնելով «արաբական գարնան» մասին: Կոտրվել էին նաև Սահմանադրական դատարանի, ՆԳՆ-ի , կրթության նախարարության կայքերը Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |