 Կոստանյանը լրագրողներին կոչ է արել պատասխանատվությամբ մոտենալ բանակում հանցագործությունների լուսաբանմանը 19 հունվարի 2012 - 18:33 AMT PanARMENIAN.Net - Հայաստանի ռազմական դատախազ Գևորգ Կոստանյանը մտահոգություն է հայտնել բանակում հանցավորության լուսաբանման և դրա մասին տեղեկատվության տարածման գործընթացի վերաբերյալ: «Ցավոք, մենք բազմաթիվ դեպքերի ենք ականատես եղել, երբ լիակատար ապատեղեկատվություն է տարածվում, բայց և շատ դեպքերում այդ տեղեկատվությունը բավական լայն արձագանք է ստանում, և հասարակությունն այն ընդունում է որպես կատարված փաստ»,- նշել է նա: Ռազմական դատախազը լրագրողներին կոչ է արել պատասխանատու լինել իրենց գործունեության համար և ավելի ողջամիտ մոտեցում ցուցաբերել տեղեկատվության տարածմանը: Կոստանյանը հաղորդել է, որ կարգադրել է դատախազներին, իսկ ՀՀ Պաշտպանության նախարարության քննչական ծառայության պետը` քննիչներին, որպեսզի բանակում հանցագործության մասին տեղեկատվության տարածման ցանկացած դեպքում այն տարածած անձը պետք է քննչական մարմին հրավիրվի այդ գործի հանգամանքների վերաբերյալ պարզաբանումներ տալու համար: Նա ընդգծել է նաև, որ լրագրողները բառացիորեն են հասկացել տեղեկատվության աղբյուրը չբացահայտելու իրենց իրավունքը: Այս կապակցությամբ Կոստանյանը հիշեցրել է, որ դատարանի որոշմամբ` լրագրողը պարտավոր է բացահայտել տեղեկատվության աղբյուրը:   Ուշագրավ Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը   Ամենաընթերցվողը բաժնում |  Վերջին լուրեր «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է  Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիսԿիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակելԿաթողիկոսը ցավակցագիր է հղել Իրանի հոգևոր առաջնորդին Նա վշտակցություն է հայտնել զոհերի սգակիր ընտանիքներին և Իրանի ժողովրդին |
