Պետդեպարտամենտի կողմից «Հայ Դատի» ներկայացուցիչների հասցեին հնչած սպառնալիքների մասին տեղեկությունը իրականությանը չի համապատասխանում: Այդ մասին PanARMENIAN.Net-ի թղթակցի հետ զրույցում հայտարարել է Հայաստանում «Հայ Դատի» գրասենյակի ղեկավար Կիրո Մանոյանը:
Հայ Դատի» ներկայացուցիչները հաճախ հանդիպում են ԱՄՆ Պետդեպարտամենտի ներկայացուցիչների հետ, սակայն նրանց միջև նման խոսակցություն չի եղել»,-հայտարարել է նա:
Համաձայն «Առավոտ» պարբերականի աղբյուրին, ԱՄՆ պետդեպարտամենտի ներկայացուցիչները հանդիպել են «Հայ Դատի» գրասենյակի անդամների հետ: Հանդիպման ընթացքում դժգոհություն է արտահայտվել Հայաստանում ՀՅԴ կուսայցության քաղաքականության վերաբերյալ:
«Ավելին, նրանք սպառնացել են «Հայ Դատի» գրասենյակի ներկայացուցիչներին, որ եթե Դաշնակցությունը չդադարեցի քոչարյանամետ քաղաքականությունը, Պետդեպարտամենտն այլևս հայտնի փաստերի վրա աչք չի փակի»,-գրում է պարբերականը:
