Թուրքիան կխզի 4 մլրդ դոլարի պայմանագիրը Ֆրանսիայի հետ, եթե Ցեղասպանության մասին օրինագիծն ընդունվի
Ցեղասպանությունների, այդ թվում Հայոց ցեղասպանության ժխտումը քրեականացնող օրինագծի ընդունումը կարող է թանկ նստել Ֆրանսիայի վրա: Ինչպես գրում է թուրքական «Հյուրիեթը», ամենից շատ կտուժի թուրք-ֆրանսիական համագործակցությունը պաշտպանության ոլորտում:
Թուրքական իշխանությունները մտադիր էին ֆրանսիական Eurosam ընկերությանը 4 մլրդ դոլար փոխանցել՝ հեռահար հրթիռների ու ՀՀՊ համակարգերի գնման համար:
«Եթե օրենքն ընդունվի, Ֆրանսիան կարող է մոռանալ այդ նախագծի մասին»,-հայտարարել է թուրք պաշտոնյաներից մեկը:
Օրինագիծը Ֆրանսիայի Սենատում կքննարկվի հունվարի 23-ին:
