Հոլանդական Վեյկ ան Զեե քաղաքում շարունակվում է շախմատային ավանդական փառատոնը, որտեղ «Tատա սթիլ» գլխավոր առաջնությունում հանդես է գալիս հայ գրոսմայստեր Լևոն Արոնյանը:
8-րդ տուրում Արոնյանը հանդիպել է Վեսելին Տոպալովի հետ`Բուլղարիա, և ոչ ոքի խաղացել: Այդ տուրից հետո Արոնյանը հավաքել է 5.5 միավոր և զբաղեցնում է առաջին հորիզոնականը: Նույնքան միավոր ունի նաև Մանգուս Կարլսենը` Նորվեգիա, որը երկրորդ հորիզոնականում է:
Հունվարի 23-ին շախմատիստները հանգստանում են, իսկ հունվարի 24-ին կկայանա 9-րդ տուրը: Հայ շախմատիստի մրցակիցը լինելու է Ֆաբիանո Կարունան, ով 4.5 միավորով զբաղեցնում է 5-րդ հորիզոնականը:
Մյուս խաղերում հանդես կգան հետևյալ զույգերը. Մանգուս Կարլսեն-Սերգեյ Կարյակին, Հիկարու Նակամուրա-Վեսելին Տոպալով, Գատա Կամսկի-Թեյմուր Ռաջաբով, Լյուկ վան Վելե-Բորիս Գելֆանդ, Վուգար Գաշիմով-Դավիթ Նավարա և Վասիլի Իվանչուկ- Անիշ Գիրի: