Սոչիում Հայաստանի, Ադրբեջանի և Ռուսաստանի նախագահների եռակողմ համատեղ հանդիպման շրջանակներում ամրագրվել է ղարաբաղյան հակամարտության հարցում առկա status quo-ն: Նման կարծիք PanARMENIAN.Net-ի թղթակցի հետ զրույցում հայտնել է «Կովկաս» ինստիտուտի փոխտնօրեն Սերգեյ Մինասյանը:
«Երևում է չի հաջողվել համոզել Ադրբեջանին հայտարարել շփման գծում լարվածության թուլացման մասին, սակայն հաջորդ հանդիպումները, ամենայն հավանականությամբ, կենտրոնանալու են հենց լարվածության նվազեցման վրա»,-ընդգծել է փորձագետը: Մեկնաբանելով նախագահների հայտարարությունը հասարակական և գիտական ոլորտներում հարաբերությունների կարգավորման մասին, Մինասյանն ընդգծել է, որ «ապագայում պետք է ակնկալել Երևան-Մոսկվա-Բաքու համատեղ հասարակական միջոցառումներ, ինչը ևս կապված է այս գործընթացում Ռուսաստանի` որպես միջնորդի, դերի մեծացման հետ»:
