«Ֆոբոս-Գրունտի» վթարի պատճառ է հանդիսացել պլազմային գոյացությունը Երկրի մագնիսոլորտում: Ըստ Ինտերֆաքսի, նման եզրակացության է հանգել սարքի վթարը հետաքննող հանձնաժողովը: Պաշտոնական զեկույցը դեռ չի հրապարակվել:
Պլազմային գոյացության պատճառ է հանդիսացել Արևի բռնկումը 2011թ. նոյեմբերի 4-ին: Ըստ աղբյուրի, բռնկումն առաջացրել է մագնիսական փոթորիկների շարք, որոնք չեն դադարել մի քանի շաբաթ: «Այդպիսով, չի բացառվում, որ ռուսական տիեզերական սարքը ողբերգական պատահականությամբ հայտնվել է պլազմայի գոյացության մեջ»,-հղում է անում գործակալությունը աղբյուրի վրա:
Հանձնաժողովը վերջնական եզրակացությունը կհրապարակի հունվարի 31-ին:
«Ֆոբոս-Գրունտը» մեկնարկել է 2011թ. նոյեմբերի 9-ին: Նա պետք է Մարսի արբանյակ Ֆոբոսից վերցներ գրունտի նմուշներ և հատուկ կապսուլայով հետ ուղարկեր: Սակայն, նա շեղվեց ուղեծրից ու այրվեց մթնոլորտում: Չայրված բեկորները ընկան Խաղաղ օվկիանոսը: