Փետրվար ամսվա ընթացքում Արմենիա Մարիոթ հյուրանոցը իր ռեստորանում մատուցված յուրաքանչյուր ճաշից և ընթրիքից ստացված գումարից կնվիրաբերի 500 դրամ «ՍՈՍ մանկական գյուղեր» կազմակերպությանը` «դուք ուտում եք, մենք տալիս ենք» ծրագրի շրջանակում:
«Հնարավորությունների աշխարհ» նախաձեռնությունը օգնում է խելացի երիտասարդներին: «Այս ծրագրի շրջանակում հավաքված ողջ գումարն այս անգամ կուղղվի այն երիտասարդներին աջակցելուն, որոնք ցանկանում են ձեռք բերել խոհարարի մասնագիտություն»,- ասաց հյուրանոցի վաճառքների և մարքեթինգի բաժնի ղեկավար Զոլթան Կոնշանսկին` նշելով, որ այդ երիտասարդներից մեկը` Թամարան, այս ծրագրի շրջանակում հնարավորություն է ստանում մեկ շաբաթ անվճար սովորել «Կուչինա» ռեստորանի շեֆ-խոհարարի մոտ:
«ՍՕՍ մանկական գյուղեր» հայկական բարեգործական հիմնադրամի տնօրեն Աշոտ Քոչարյանն էլ նշեց, որ կարևորը ոչ թե հավաքագրված գումարի չափն է, այլ հանրային իրազեկումը, խնդրին մոտեցման ձևը. «Շատ կարևոր է, որ մասնագիտական կողմնորոշումը լինի ի սկզբանե ճիշտ, քանի որ այսօրվա աշխատանքային շուկան վայրենի վիճակում է գտնվում»:
