Հունվարի 25-ին տեղի ունեցավ Հայաստանի ԱԳ նախարար Էդվարդ Նալբանդյանի աշխատանքային այցը Լատվիա: Ռիգայում նախարար Նալբանդյանին ընդունեց Լատվիայի Հանրապետության nախագահ Անդրիս Բեզինշը:
Ինչպես հայտնում է ՀՀ ԱԳՆ մամլո ծառայությունը, նախագահ Անդրիս Բեզինշը նշել է, որ Լատվիան շահագրգռված է բարեկամական Հայաստանի հետ հարաբերությունների առավել խորացման և ամրապնդման մեջ, և իր երկիրը պատրաստ է լրացուցիչ ջանքեր գործադրել այդ ուղղությամբ:
Էդվարդ Նալբանդյանը Հայաստանի նախագահ Սերժ Սարգսյանի ողջույններն ու բարեմաղթանքները փոխանցել է Լատվիայի նախագահին:
Հայաստանի արտգործնախարարը Լատվիայի նախագահին է ներկայացրել արցախյան հիմնախնդրի հանգուցալուծման բանակցային գործընթացը, Հայաստանի մոտեցումները տարածաշրջանային խնդիրների լուծման վերաբերյալ:
Զրուցակիցները քննարկել են Հայաստան-Եվրոպական Միություն հարաբերությունները, այդ ձևաչափում Հայաստան-Լատվիա համագործակցությունը:
