Թուրքական բանակի զինծառայող, նույն բանակի ազգությամբ հայ զինծառայող Սևակ Շահին Բալիկչիի ու նրա սպանության համար մեղադրվող զինվոր Կվանչ Աղաօղլուի զինակից Հալիլ Էկշինը հայտարարել է, որ դատարանում կեղծ ցուցմունքներ է տվել:
Ըստ նրա, դատարանում ելույթից առաջ նրան զանգել է ոմն մեկը՝ ներկայանալով որպես Բյուլենթ Կայ, և խորհուրդ է տվել հանդես գալ ի պաշտպանություն Աղաօղլուի: Սակայն, ինչպես նշել է Էկշինը, Աղաօղլուն պատահական չի կիրակել Սևակի վրա, «Կվանչը լիցքավորեց զենքն ու կրայեց Սևակին», գրում են թուրքական ԶԼՄ-ները:
Ապրիլի 24-ին Շահին Բալիկչին սպանվեց իր զինակից Աղաօղլուի ձեռքով: Դատարանն ազատ արձակեց Աղաօղլուին առաջին իսկ նիստում, իսկ մեղադրական ակտով պահանջվում է 9 տարվա ազատազրկում անփութության հետևանքով մարդասպանության համար:
Մինչդեռ, Դիարբեքիրի զինդատարանում պաշտոնատար զինվորականներից մեկը հայտարարեց, որ Սևակի սպանությունից հետո ականատես զինվորներից մեկը մոտեցել է նրան ու հայտնել է, որ Աղաօղլուն ասել է Սևակին. «Չաղլիկ, ես քեզ կսպանեմ»: Մյուս վկաները հերքում են դա:
