98 թ-ին այս օրը Հռոմի կայսր է հռչակվել Մարկոս Տրայանոսը: 1724 թ-ին Պետրոս 1-ինը հիմնեց Պետերբուրգի համալսարանը և գիտությունների ակադեմիան: 1918 թ-ին Էստոնիան և Լատվիան առանձնացան Ռուսաստանից, իսկ ահա 1986 թ-ին տեղի ունեցավ «Չելենջեր» տիեզերանավի կործանումը:

1457 թ-ին ծնվել է Անգլիայի թագավոր Հենրիխ 7-րդը, 1600 թ-ին` Հռոմի պապ Կլիմենտ 9-րդը: Այս օրն իրենց ծնունդն են նշում նկարիչներ Ֆրանսիս Պիկաբիան և Ջեքսոն Պոլոկը: Այսօր Ֆրանսիայի նախագահ Նիկոլյա Սարկոզիի ծննդյան օրն է նաև: Նա այսօր դարձավ 57 տարեկան: «Յուվենթուս» ֆուտբոլային ակումբի երկրպագուները այսօր նշելու են ակումբի անփոխարինելի դարպասապահ Ջանլուիջի Բուֆֆոնի ծննյան 34-ամյակը, իսկ «Մատանիների տիրակալը» եռապատման սիրահարները` Ֆրոդոյի դերակատար Էլայջա Վուդի ծննդյան 31-ամյակը:

Հունվարի 28-ին մահացել են ռուս գրող Ֆյոդոր Դոստոևսկին, իռլանդացի բանաստեղծ, Նոբելյան մրցանակի դափնեկիր Ուիլյամ Բաթլեր Յեյտսը, ռուս բանաստեղծ, նույն մրցանակի դափնեկիր Իոսիֆ Բրոդսկին: 2002 թ-ին մահացել է հայտնի շվեդ գրող, խորհրդային և հետխորհրդային շրջանի բոլոր երեխաների սիրելի հեքիաթի «Կարլսոնն, որն ապրում է տանիքում» հեքիաթի հեղինակ Աստրիդ Լինդգրենը: