Դրամի փոխարժեքը 2012թ. կգերազանցի 400 դրամը ԱՄՆ մեկ դոլարի դիմաց: Հունվարի 30-ին Երևանում կայացած մամլո ասուլիսում նման կարծիք է հայտնել «Ամերիաբանկ» ՓԲԸ-ի զարգացման գծով տնօրեն Տիգրան Ջրբաշյանը: «Հույս և նախադրյայներ կան, որ դա չի լինի կտրուկ տատանումների տեսքով»,-ասել է նա:

Բանկիրը հավելել է, որ դրանք միանգամայն իրատեսական սպասումներ են, դա «նորմալ» է ներմուծման ու արտահանման հավասարակշռությունը պահպանելու համար: «Արտահանման խթանման լավագույն միջոցը փոխարժեքի համապատասխան մակարդակի ապահովումն է՝ թույլ չտալու համար այն արժեվորվի մեր հիմնական առևտրային գործընկերների համար»,-ասել է Ջրբաշյանը: