Ֆրանսիական Elle-ին մեղադրում են ռասիզմի մեջ30 հունվարի 2012 - 19:30 AMT PanARMENIAN.Net - Ֆրանսիայում «ռասիստական» սկանդալ է բորբոքվել Elle ամսագրում սևամորթների համաշխարհային նորաձևության վերջին միտումների մասին հոդվածի հրապարակման պատճառով, գրում է InoPressa-ն` հղում կատարելով Corriere della Sera թերթին: Ամեն ինչ սկսվեց հրատարակության կայքում նյութի հրապարակումից այն մասին, որ ԱՄՆ նախագահ Բարաք Օբամայի ընտանիքը նպաստել է ԱՄՆ-ում աֆրոամերիկացիների ոճի փոփոխությանը: Հոդվածի հեղինակ Նատալի Դոլիվոն նշում է, որ նրանց արտաքինը գնալով ավելի քիչ է կապվում հիփ-հոփի և փողոցային նորաձևության ավանդույթների հետ և մոտենում է «սպիտակ» բուրժուազիայի էլեգանտ ոճին: Որպես օրինակ Դոլիվոն ներկայացրել է հայտնի ամերիկյան երգչուհի Ռիհաննային` նշելով, որ սևամորթ աստղերը գնալով ավելի հաճախ են հրաժարվում բարձրակրունկ սաբոներից և ոսկե շղթաներից` գերապատվությունը տալով ժանյակներին և բլուզներին: Բավական էր, որ այդ հոդվածը հայտնվեր Elle կայքում, և աղմկահարույց սկանդալ բորբոքվեց: Ամսագրի գլխավոր խմբագիր Վալերի Տորանիանը սկզբում փորձում էր պաշտպանել իր ենթակային հարձակումներից, բայց երբ ցասումնալից մեկնաբանությունների թիվը գերազանցեց հազարը, հանձնվեց և խմբագրական հոդված հրապարակեց` ներողություն հայցելով: Սկանդալի «մեղավորն» ինքը երդվում է, որ չէր ցանկանում վիրավորել որևէ մեկին, այլ միայն փորձում էր ընդգծել, որ այսօր ամերիկյան սևամորթ հասարակությունն իրենք շատ ավելի ինքնավստահ է զգում, ուստի պատրաստ է տարբեր ոճեր փորձարկել: Բայց, ըստ ամենայնի, Elle-ի ներողությունը բավարար չի լինի: Մասնավորապես, հայտնի մարտինիկյան ծագման ֆրանսիական սևամորթ լրագրողուհի Օդրի Պյուլվարը հրատարակությունն անվանել է «անարժեք», իսկ հոդվածը` «խելագար և ռասիստական»: Իսկ Ֆրանսիայի Սևամորթների ասոցիացիայի խորհուրդը պատրաստվում է դատական հայց ներկայացնել ամսագրի դեմ, հաղորդում է Newsru.com-ը: Արժե նշել, որ ռասիզմի կամ հակասեմիտականության մեջ մեղադրանքներին Ֆրանսիայում մոտենում են ավելի քան լրջորեն, առավել ևս, եթե դրանց դրսևորման մեջ նկատում են հայտնի մարդկանց: Այդպես 2011 թվականի սեպտեմբերին Փարիզում 6 հազար եվրոյի չափով տուգանքի դատապարտվեց հայտնի բրիտանական մոդելյեր Ջոն Գալյանոն: Christian Dior-ի նախկին արտ-տնօրենին մեղադրել էին նույն տարվա փետրվարին փարիզյան սրճարաններից մեկում երկու այցելուների հետ վեճի ժամանակ հակասեմիտական և ռասիստական արտահայտությունների մեջ: Այդ միջադեպից հետո նրան վռնդեցին Dior նորաձևության տնից: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Amnesty International․ Ադրբեջանի կողմից էական առաջընթաց չի գրանցվել ԼՂ հայերի ապահով վերադարձի համար Նշվում է, թե Ադրբեջանի իշխանությունները համաներում էին խոստացել նրանց, ովքեր կռվել են Լեռնային Ղարաբաղի համար ԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունեն Զախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նա Վաշինգտոնում կայացել է ամենամյա Արդարության երթը Երթի մասնակիցներն Ադրբեջանի դեսպանատան մոտից քայլել են դեպի Թուրքիայի դեսպանատուն, հետո դեպի Սպիտակ տուն |