Վրացի լրագրող Սոֆո Նիկոլաիշվիլիին մեղադրանք է ներկայացվել սպանություն կատարելու փորձի և անօրինական կերպով զենք կրելու համար, փետրվարի 2-ին հաղորդում է Վրաստանի ՆԳՆ մամլո ծառայությունը:
«Կախեթիի ՆԳՆ գլխավոր երկրամասային վարչության աշխատակիցները ձերբակալել են Սոֆո Նիկոլաիշվիլիին, ով մեղադրվում է Վրաստանի ՔՕ 19, 108 և 236 հոդվածներով (սպանության փորձ, զենքի անօրինական կրում)»,- ասվում է ՆԳՆ հայտարարությունում:
Լրագրողը ճանաչել է իր մեղքը: Սոֆո Նիկոլաիշվիլին փորձել է հոր զենքից կրակել Կախեթիի ՆԳՆ երկրամասային վարչության աշխատող Գեորգի Սաբաշվիլիի վրա, ում հետ հանդիպել է գրեթե մեկ տարի: Սաբաշվիլին, ով Գուրջաանիի ոստիկանապետի որդին է, կարողացել է ժամանակին խլել զենքը, գրում է «Նովոստի Գրուզիան»: