«Ռոսկոսմոսը» 1,5 մլրդ ռուբլի ապահովագրական վճար է ստացել քանդված «Ֆոբոս-Գրունտի» համար: Այդ մասին հայտարարել է «Ոսկոսմոսի» ղեկավար Վլադիմիր Պոպովկինը, հայտնում է ՌԻԱ Նովոստի գործակալությունը:

Ավտոմատ միջմոլորակային «Ֆոբոս-Գրունտ» կայանը առաջին ռուսական կայանն է վերջին 15 տարում, որ նախատեսված էր Մարսից հողի նմուշների տեղափոխման համար: Այն գործարկվեց 2011թ. նոյեմբերի 9-ին: Սակայն կայանը չկարողացավ անցնել Մարսի ուղեծիր՝ մնալով Երկրի ուղեծրում, իսկ հունվարի 15-ին կայանի բեկորներն ընկան Խաղաղ օվկիանոսը: «Ֆոբոս-Գրունտի» ողջ առաքելության արժեքը գնահատվում է 5 մլրդ ռուբլի: