«Այսօրվա դրությամբ ճանապարհատրանսպորտային պատահարների մասին դեռ ահազանգ չենք ստացել: Իսկ երեկ տեղի է ունեցել 4 դեպք մարմնական վնասվածքներով»,- փետրվարի 2-ին լրագրողների հետ հանդիպման ժամանակ ասել է ՀՀ ճանապարհային ոստիկանության Ճանապարհապարեկային ծառայության պետ, ոստիկանության գնդապետ Նորիկ Սարգսյանը:
Սարգսյանի խոսքով, ինչքան եղանակը անբարենպաստ է լինում, այնքան վարորդները սկսում են ավելի զգույշ լինել, և վթարներ ավելի քիչ են գրանցվում:
«Մեր վարորդներին տեղեկացնեմ, որ որոշ վայրերում տեղի են ունեցել արագությունը սահմանափակող կարգի փոփոխություններ: Աճառյան փողոցում և Աճառյան- Մարշալ Բաբաջանյան փողոցների խաչմերուկում առավելագույն արագությունը դարձել է 80 կմ/ժ: Իսկ Սարալանջի նոր ճանապարհի և Երևան-Սևան մայրուղում արագությունը` 70 կմ/ժ» ,- ավելացրել է Սարգսյանը:
