Եվրոպայում ռեկորդային ցրտի զոհերի թիվը հասել է 163, հայտնում է Agence France-Presse-ը: Արևելյան Եվրոպայի որոշ երկրներում ամբողջ գյուղեր են հոսանքազրկվել, առատ ձյան պատճառով խաթարվել է երկաթուղային և օդային հաղորդակցությունը: Ռեկորդային ցածր ջերմաստիճան է գրանցվում Լեհաստանում, Ռումինիայում, Բուլղարիայում, Ուկրաինայում, Բոսնիայում ու Հերցոգովինայում:
Միայն Ուկրաինայում սառնամանիքից արդեն 63 մարդ է մահացել, իսկ Լեհաստանում՝ 9, ևս 2 մարդ մահացել է Գերմանիայում: Մահացածների մեծ մասը անտուն մարդիկ են:
Ըստ կանխատեսումների, ջերմաստիճանը կարող է մի փոքր բարձրանալ առաջիկա հանգստյան օրերին: