Մոսկվայում շարունակվում է շախմատի Moscow Open փառատոնը: Փետրվարի 3-ին ուսանողների շրջանում 7-րդ տուրում Ավետիք Գրիգորյանը խաղում էր թուրք շախմատիստ Մուստաֆա Յիլմազի հետ: Խաղն ավարտվեց ոչ ոքի: Մրցաշարային աղյուսակը գլխավորում է Մաքսիմ Մատլակովը 5 միավորով:
8-րդ տուրում հայ գրոսմայստերի մրցակիցը կլինի ռուսաստանցի Վլադիմիր Բելոուսը, որը 3 միավորով 6-րդ տեղում է:
Ռուսաստանի գավաթի այս փուլում տղամարդկանց թվում հանդես են գալիս Դավիթ Շահինյանը, Արթուր Ղարագյոզյանը, Տիգրան Հարությունյանը և Մանուել Պետրոսյանը, իսկ կանանց շրջանում՝ Լիլիթ Գալոյանը, Եվգենիա Դոլուխանովան ու Կարինա Համբարձումովան:
Փառատոնը կավարտվի փետրվարի 6-ին: