Էրդողան. Թուրքիան չի ենթարկվի ճնշմանը և կշարունակի անկախ քաղաքականություն վարել 4 փետրվարի 2012 - 15:58 AMT PanARMENIAN.Net - Թուրքիայի վարչապետ Ռեջեփ Թայիփ Էրդողանը հայտնել է, որ հենց գումար և ընտրազանգված ստանալով է առաջնորդվել Նիկոլյա Սարկոզին, երբ առաջարկել է Հայոց ցեղասպանության ժխտումը քրեականացնող օրինագիծը: «Թուրքիան չի ենթարկվի ճնշմանը և կշարունակի անկախ քաղաքականություն վարել»,- հայտնել է վարչապետը, հաղորդում են ադրբեջանական լրատվամիջոցները: Հայոց ցեղասպանության ժխտման քրեականացման մասին` Ֆրանսիայի Սենատի կողմից ընդունված օրինագծի ուժի մեջ մտնելը ժամանակավորապես դադարեցվել է, քանի որ այն դիտարկվում է երկրի Սահմանադրական խորհրդի կողմից: Եթե Ֆրանսիայի նախագահ Նիկոլյա Սարկոզին պահանջի, Սահմանադրական խորհուրդը ստիպված կլինի որոշում ընդունել 8 օրվա ընթացքում: Սարկոզին իր դժգոհությունն է հայտնել Հայոց ցեղասպանության ժխտումը քրեականացնող օրինագիծը չեղյալ հայտարարելու համար որոշ ֆրանսիական սենատորների` Սահմանադրական խորհուրդ դիմելու որոշման կապակցությամբ: Ֆրանսիայի նախագահը նախազգուշացրել է, որ եթե օրինագիծը չեղյալ հայտարարվի, դրանից հետո դիմում կներկայացվի Հոլոքոստի ժխտման քրեականացման դեմ: Հունվարի 23-ին Ֆրանսիայի Սենատը կողմ է քվեարկել ցեղասպանությունների, այդ թվում` Հայոց ցեղասպանության ժխտումը քրեականացնող օրինագծին: Օրինագծի քվեարկությանը մասնակցել է 213 սենատոր, օրինագիծն ընդունվել է 127 «կողմ» և 86 «դեմ» ձայներով: Օրինագիծը ժխտման համար նախատեսում է 1 տարվա ազատազրկում և 45 հազ. եվրոյի չափով տուգանք: 2011թ. դեկտեմբերի 22-ին օրինագիծն ընդունվել էր Ֆրանսիայի Ազգային ժողովում: Օրինագծի հեղինակը պատգամավոր Վալերի Բուայեն է: Ինչպես հաղորդել են Ելիսեյան դաշտերից, նախագահն օրինագիծը կստորագրի 14 օրվա ընթացքում: Թուրքիան շատ ցավագին ընդունեց այդ օրինագծին Սենատի հավանություն տալը` հայտարարելով Ֆրանսիայի հետ քաղաքական, ռազմական և տնտեսական համագործակցության սառեցման մասին: Իսկ Թուրքիայի վարչապետ Ռեջեփ Թայիփ Էրդողանը հայտարարել է, թե այլևս երբեք Ֆրանսիա չի մեկնի, եթե օրինագիծն ընդունվի:
Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |