2012 թ-ին Հայաստանի մի շարք մշակութային հաստատություններում կօգտագործվեն տեղեկատվական տեխնոլոգիաներ: Ինչպես մամլո ասուլիսի ժամանակ նշեց ՀՀ մշակույթի նախարար Հասմիկ Պողոսյանը, մի քանի թանգարաններում արդեն գործում են էլեկտրոնային տեղեկատուներ: Պողոսյանի խոսքով նախատեսվում է վիրտուալ թանգարանների բացում, մասնավորապես գորգի և գրքի թանգարաններում: Բացի դրանից անհրաժեշտ է իրականացնել գրադարանների ծառայությունների թվայնացում:
Թվայնացված ծառայություն են մատուցելու նաև համերգային և թատերական դահլիճները: Պողոսյանի խոսքով, մասնավորապես լինելու է էլեկտրոնային սպասարկում, տոմսերի վաճառք և տեղեկատվական մեծ բանկ: Նախարարը նաև հստակեցրեց, որ համացանցի միջոցով կարելի է ընտրել նստատեղը և շարքը, իսկ տոմսերը, որպես այդպիսին, այլևս գոյություն չեն ունենա: Թվային ծառայությունների են անցնելու սկզբում մայրաքաղաքի, այնուհետև մարզերի հաստատությունները:
