Պակիստանի ներկայացուցիչը հայտարարել է օտարերկրյա ԶԼՄ-ներին այն մասին, որ եթե Իսրայելը հարձակվի Իրանի վրա, Պակիստանը հարված կհասցնի: Պակիստանցի դիվանագետը չի ճշտել, թե հատկապես ինչ «պատասխան հարվածի» մասին է խոսքը՝ ռազմական թե դիվանագիտական, հայտնում է Associated Press-ը: Նա հավելել է, որ «Պակիստանն այլ ելք չունի, քան պատասխան հարված հասցնելը»:
Նման հայտարարությունները կարող են բացասաբար անդրադառնալ Մերձավոր Արևելքի աշխարհաքաղաքական իրավիճակի վրա՝ չէ որ Պակիստանը միակ մահմեդական երկիրն է, որը միջուկային զենք ունի:
Դեռ 2007թ. պակիստանցի պաշտոնաթող գեներալ Ֆերոզ Խանը հայտարարեց, թե իր երկիրը 80-120 մարտագլխիկ ունի: Ռուսաստնն ավելի վաղ հայտարարել էր, որ Իրանի դեմ հարձակումը կընկալի որպես սպառնալիք ազգային անվտանգությանը: Փոխվարչապետ Դմիտրի Ռոգոզինը հայտարարեց, որ Իրանը Ռուսաստանի մերձավոր հարևանն է և նրա վրա հարձակվելու ցանկացած փորձ կընկալվի որպես սպառնալիք սեփական ազգային անվտանգությանը:
