1 Մարտին Շուլց և Էգեմեն Բաղիշ. Պատմությունն ընդդեմ կացնի Եվրախորհրդարանի նախագահը կոչ է արել Թուրքիային ճանաչել Հայոց ցեղասպանությունը 8 փետրվարի 2012 - 11:17 AMT PanARMENIAN.Net - Թուրքիայի կողմից Հայոց ցեղասպանության ճանաչման անհրաժեշտությունը Եվրախորհրդարանի նախագահ Մարտին Շուլցի և ԵՄ հարցերով Թուրքիայի կողմից գլխավոր բանախոս Էգեմեն Բաղիշի հանդիպման հիմնական թեման է եղել: Բրյուսելում համատեղ ճեպազրույցի ժամանակ Բաղիշը հրաժարվել է մեկնաբանել Շվեյցարիայում իր դեմ սկսված հետաքննությունը: Նա ասել է միայն, որ «Շվեյցարիան ԵՄ անդամ չէ, և որ նա ոչ մի րոպե չի ծախսի Եվրամիության հետ կապ չունեցող խոսակցությունների վրա»: Սակայն, հանդիպման ժամակ Բաղիշը ստիպված է եղել բախվել Հայոց ցեղասպանության հետ կապված հարցերի հետ, երբ խորհրդարանի նախագահը հայտարարել է Եվրախորհրդանի այդ հարցի շուրջ հայտնի դիրքորոշման մասին: Եվրախորհրդարանը կոչ է անում Թուրքիային ճանաչել Հայոց ցեղասպանությունը, ինչը ԵՄ-ին անդամակցելու նախապայմաններից մեկն է: Իր անձնական տեսակետից Շուլցը նշել է. «Լինելով գերմանացի, ես գիտեմ իմ պատմությունը և այն դերը, որը ունեցել է բանակը: Թուրքիային անհրաժեշտ է առերեսվել պատմության հետ ու ազատություն տալ այդ հարցի վերաբերյալ անկախ հարցապնդումներին»: Շուլցը հավելել է նաև, որ «հարգում է Ֆրանսիայի խորհրդարանի ինքնուրույնությունն ու Հայոց ցեղասպանության ժխտումը քրեականացնող օրենքի ընդունումը»: «Ես գիտեմ շատ եվրոպացիների, որոնք կիսում են Ֆրանսիայի Սենատի կարծիքն այդ հարցում»,-ասել է նա: Թուրք նախարարին մնում էր միայն մի քանի բառ ասել, արդարացնելու համար իրեն, մասնավորապես, պատմաբանների խմբի ստեղծման վերաբերյալ՝ նշելով, որ Ցեղասպանության հարցը քաղաքական կատեգորիա է: Շվեյցարիայում հետաքննություն է սկսվել թուրք նախարար, ԵՄ հետ գլխավոր բանակցող Էգեմեն Բաղիշի դեմ՝ Հայոց ցեղասպանությունը ժխտելու համար: Ինչպես գրում է «Միլիեթը», գործը հարուցվել է Շվեյցարիայի ՔՕ 261 հոդվածով՝ ռասիստական արտահայտությունների համար մեղադրանքով: Հիշեցնենք, որ Դավոսի տնտեսական համաժողովում նախարարը թույլ է տվել իրեն ասել, թե «Հայոց ցեղասպանություն չի եղել»: Ինչպես հայտարարել է Ցյուրիխի կանտոնի դատախազ Քրիստին Բրաունշվիգը Doğan գործակալությանը, նա մինչև վերջ կհասցնի հետաքննությունը, սակայն «պետք է հաշվի առնել թուրք նախարարի դիվանագիտական իմունիտետը»: Հունվարի 23-ին Ֆրանսիայի Սենատը կողմ է քվեարկել ցեղասպանությունների,այդ թվում` Հայոց ցեղասպանության ժխտումը քրեականացնող օրինագծին: Ընդհանուր առմամաբ քվեարկել են 213 սենատորներ, որոնցից 127-ը «կողմ», 86-ը «դեմ»: Օրինագիծը մերժման համար նախատեսում է 1 տարվա ազատազրկում և 45 հազար եվրո տուգանք: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ ՊՆ. Սուտ է, թե Տավուշի հատվածում Ադրբեջանը կրակել է հայկական դիրքերի ուղղությամբ Նախարարությունը հորդորում է հետևել գերատեսչության պաշտոնական հաղորդագրություններին ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |