Ավարտվեց «Նա/Նե» մրցանակաբաշխությունը, հայտնի դարձան հաղթողները10 փետրվարի 2012 - 20:12 AMT PanARMENIAN.Net - Փետրվարի 10-ին տեղի ունեցավ «Նա/Նե» չորրորդ մրցանակաբաշխությունը: Մասնակից նյութերը պետք է անդրադառնային քաղաքական, հասարակական և տնտեսական ոլորտներում կանանց գործունեությանը, ձեռքբերումներին ու նվաճումներին, խնդիրներին ու մարտահրավերներին` այս ամենը դիտարկելով տղամարդկանց և կանանց հավասարության տեսանկյունից, ինչպես նաև գենդերային բռնության թեմային։ Լավագույն հեռուստատեսային նյութ անվանակարգում իրենց աշխատանքներն էին ներկայացրել 15 հեղինակ, սակայն առաջին մրցանակ չի սահմանվել: Երկրորդ մրցանակին արժանացել է Արման Սուլեյմանյանը (Սիվիլնեթ): Տպագիր հոդված անվանակարգում նյութեր էին ներկայացրել 28 հեղինակ: Առաջին մրցանակին արժանացել է Լիանա Սիրունյանը, «Հայաստանի զրուցակից» թերթից, «Դե ասա` քաղաքավարի ամուսնալուծվել եք...» նյութի համար: Առցանց կամ բլոգում զետեղված հոդվածներից լավագույնն է ճանաչվել Երանուհի Սողոյանը hetq.am կայքից « Հայրն արգելել է աղջկան դպրոց գնալ. «Ես չեմ ուզե իմ էրեխեն 6 տղու հետ դասի նստի» հոդվածի համար: Սոցիալական և առևտրային գովազդի ոլորտում նույնպես առաջին մրցանակ չի սահմանվել: Երկրորդ մրցանակ է ստացել Ստատուս Հոլդինգ ընկերությունը: Ֆոտոռեպորտաժներից լավագույնն է ճանաչվել Փիրուզա Խալափյանը «Շների դրախտը. Երևանում` դաշնակահար Նունեի հովանո ներքո» ֆոտոէսսեի համար: Ռադիոնյութերից ոչ մեկը չի արժանացել որևէ մրցանակի: Ժյուրիի հատուկ մրցանակ է ստացել Անի Ասատրյանը Times Armenian-ից «Դժբախտ լինելու ազատությունս եմ ուզում» նյութի համար: «Ֆեյսբուքցիների համակրանք» մրցանակին արժանացավ Գրիգոր Երիցյանը «Գենդերային խնդիրներ. որքանո՞վ են կինն ու տղամարդը հավասար ՀՀ-ում» նյութի համար: Բացի վերը նշված անվանակարգերից, մի շարք հաստատություններ սահմանել էին իրենց մրցանակները: Դրանք էին ՄԱԿ-ի բնակչության հիմնադրամը, Վորլդ Վիժն Հայաստան գրասենյակը, Հայաստանի երիտասարդ կանանց ասոցիացիան, Eritasard.am երիտասարդական առցանց պարբերականը, «Մենք հանուն քաղաքացիական հավասարության» ՀԿ-ն, ՀՀ աշխատանքի և սոցիական հարցերի նախարարությունը: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Մեծ Բրիտանիայի քրիստոնյա առաջնորդները նամակով դիմել են կառավարությանը Հայոց ցեղասպանությունը ճանաչելու կոչով Սունակին ուղղված նամակում նաև անդրադարձ է կատարվում Լեռնային Ղարաբաղում տեղի ունեցած իրադարձություններին Փաշինյանին քրեական պատասխանատվության ենթարկելու պահանջով հաղորդումը դատախազությունում է Հաղորդումը կազմել են փաստաբան Արա Զոհրաբյանը և պահեստազորի գնդապետ Հայկ Նահապետյանը Փաստաբան․ Սուրեն Պետրոսյանին մեղադրանք չի առաջադրվել՝ պետք է որ ազատ արձակվի Լրանում է Պետրոսյանի ձերբակալման 72 ժամը Սանոսյանն ու Կոպիրկինը քննարկել են ՀԱԷԿ-ի 2-րդ էներգաբլոկի շահագործման երկարաձգման հարցը Քննարկվել են նաև ենթակառուցվածքների զարգացման հարցեր |