Իսպանացի Սամուել Արանդան դարձել է ֆոտոլրագրության աշխարհի խոշորագույն

World Press Photo մրցույթի հաղթող: Առաջին հորիզոնականը զբաղեցրել է նրա լուսանկարը, որն արվել է Եմենի անկարգությունների ընթացքում: Լուսանկարում պատկերված է փարաջայով կին, ով գրկում է վիրավորին: Այս լուսանկարն ընտրվել է ավելի քան 10 հազար լուսանկարներից, որոնց հեղինակները 124 երկրների 5247 լուսանկարիչներ են: Մրցույթի արդյունքները հայտարարվել են Ամստերդամում:

Ժյուրիի անդամներից մեկի խոսքով, լուսանկարն արտացոլում է իրավիճակը, որը բնորոշ է եղել Եմենին, Եգիպտոսին, Սիրիային, Թունիսին, Լիբիային: Հանձնաժողովի նախագահ Էյդան Սալլիվանն ընդգծել է, որ «այն ներկայացնում է կարեկցանք, որը ցուցաբերվել է հակամարտության ընթացքում»: Հաղթող լուսանկարը հրապարակվել է «Նյու Յորք թայմս» ամսագրում:

World Press Photo ֆոտոլրագրության մրցույթն անցկացվում է սկսած 1955թ-ից: