«Հարավկովկասյան երկաթուղի» ՓԲԸ գլխավոր տնօրեն Շևկետ Շայդուլլինի հրամանով հետաձգվել է Երևան-Թբիլիսի միջազգային գնացքի մեկնումը: Գնացքը պետք է մեկներ «Երևան» կայարանից փետրվարի 12-ին, ժամը 22:35-ին: Այդ մասին հայտնում է ընկերության մամուլի ծառայությունը:
Ջաջուռ-Մայիսյան հատվածում ստեղծված ծանր պայմանների պատճառով երեկ նույնպես հետաձգվել է Երևան-Թբիլիսի գնացքի մեկնումը: Երևան-Թբիլիսի գնացքը մեկնել է այսօր` 9:00-ին:
«ՀԿԵ» ՓԲԸ-ն ձեռնարկում է բոլոր անհրաժեշտ միջոցները երկաթուղային գծերի մաքրման և գնացքների բնականոն չվացուցակի վերականգնման համար: Ամբողջ գիշեր մաքրման աշխատանքներ կատարում էին հատուկ տեխնիկան և ՀԿԵ 60 աշխատողներ` ՀՀ ԱԻՆ աշխատակիցների հետ համատեղ: Ներկա ժամանակ ձյան մաքրման աշխատանքները շարունակվում են Ջաջուռ-Մայիսյան հատվածում:
Ամբողջ գիշերվա ընթացքում անցնում էին «ՀԿԵ» ՓԲԸ ղեկավարության հատուկ խորհրդակցությունները` գլխավոր տնօրեն Շևկետ Շայդուլլինի նախագահությամբ: Ընկերությունը լրացուցիչ կտեղեկացնի իրավիճակի զարգացումների մասին: