Փետրվարի 19-ին Մասաչուսեթսի Հայկական գրադարանում և թանգարանում (ALMA) բացվելու է նկարչուհի Հոուփ Ռիկարդիի «Պատմությունն անտեսված է» խորագրով ցուցահանդեսը: Ռիկարդին 2010 թ-ին սկսեց ուսումնասիրել իր հայ պապի ժառանգությունը, և հայկական սփյուռքի պատմությունը: Ցուցադրվող աշխատանքները լուսանկարների արտատպություններ են կտավի վրա:
«Պատմությունն անտեսված է» շարքն անցած տարի ցուցադրվել է Բոսթոնի «Գալաթեա» պատկերասրահում: Այժմ նկարչուհին ակտիվորեն աշխատում է 2015թ-ին Հայոց ցեղասպանության 100-ամյակին նվիրված մեծ նախագծի վրա: Ցուցահանդեսը շարունակվելու է մինչև ապրիլի 29-ը: