Բաքվի «Հյուրիեթ» եւ «Ենի Մուսավաթ» թերթերը հաղորդել են Ադրբեջանի նախագահ Հեյդար Ալիեւի անձնական պահակախմբի ղեկավար Բեյլեր Էյուբովի ձերբակալության մասին: Ինչպես տեղեկացնում է «Ռեգնում» գործակալությունը, նա ձերբակալվել էր օրերս` Թուրքիայում Ադրբեջանի ազգային անվտանգության նախարարության հատուկ գործողության արդյունքում: Բ. Էյուբովին (ազգությամբ քուրդ), ընդդիմադիր մամուլն անվանում է «Քրդական աշխատավորական կուսակցության (ՔԱԿ) հովանավոր»: Թերթերի հաղորդմամբ, նա ձերբակալվել էր անմիջապես այն բանից հետո, երբ Բաքվում ձերբակալվել էին ՔԱԿ-ի մի քանի ակտիվիստներ: Բեյլար Էյուբովը գրեթե 10 տարի ղեկավարել է Հեյդար Ալիեւի անձնական պահակախումբը եւ հեղինակավոր անձ է համարվել Ադրբեջանում: