Հնդկաստանի մայրաքաղաք Դելիում Իսրայելի դեսպանատան մոտ պայթյուն է տեղի ունեցել:
Ըստ նախնական տեղեկությունների, ավտոմեքենայում ռումբի պայթյունի հետևանքով վիրավորվել է իսրայելցի դիվանագետը: Ահաբեկչությունը տեղի է ունեցել «Հեզբոլլահի» առաջնորդ Իմադ Մուղնիեի սպանության չորրորդ տարելիցի օրը:
Հայտնի է դարձել նմանատիպ ահաբեկչական գործողության փորձի մասին Թբիլիսիում:
Վրաստանի ոստիկանությունը վնասազերծել է Իսրայելի դեսպան Իցխակ Հերբերգի անձնական վարորդի ավտոմեքենայի տակ ամրացված նռնակը, հայտնում են վրացական ԶԼՄ-ները:
Դեսպանի վարորդը՝ Ռոման Խաչատուրյանը նկատել է ավտոմեքենայի տակ ամրացված սև փաթեթը: Նա շտապ ահազանգել է պարեկային ոստիկանությանը, որն էլ իր հերթին սակրավորներին է կանչել: Փաթեթում հայտնաբերվել է նռնակ, որը վնասազերծվել է:
Այժմ հատուկ ծառայությունները տեղափոխել են ավտոմեքենան հատուկ կայանատեղի, որտեղ այն կուսումնասիրեն քրեագետները:
