Նախագահ Սերժ Սարգսյանը հրամանագիր է ստորագրել Ուկրաինայի Օդեսա քաղաքում Հայաստանի Հանրապետության գլխավոր հյուպատոսություն ստեղծելու մասին, հայտնում է նախագահի մամուլի ծառայությունը:
Երևանն ու Օդեսան ավելի քան 15 տարի է հանդիսանում են քույր-քաղաքներ: Քաղաքների ներկայացուցիչները համոզված են, որ նախորդ 15 տարիների ընթացքում քիչ բան չի արվել: «Մենք սերտորեն համագործակցում ենք Երևանի հետ, հատակապես կիրակնօրյա դպրոցի հարցում: Այդ դպրոցում սովորում է մոտ 100 աշակերտ»,-հայտարարել է Օդեսայի հայ համայնքի փոխնախագահ Մարգարիտա Տարասյանը:
Օդեսայի հայ համայնքը մեծաքանակ մշակութային-լուսավորչական միջոցառումներ է կազմակերպում, օգնություն է ցուցաբերում կարիքավորներին, ներկայացնում է հայկական սփյուռքի հետաքրքրությունները տարբեր կազմակերպություններում, ջանքեր է գործադրում Պատմական հայրենիքի հետ կապերի ամրապնդման համար` համագործակցելով Ուկրաինայում Հայաստանի դեսպանատան հետ:
Օդեսայում հայերը բնակվել են XIII-XIV դդ-ում` Կիլիա և Ակկերման քաղաքներում: