Բելառուս-Հայաստան միջխորհրդարանական համագործակցության հանձնաժողովի պատվիրակությունը` համանախագահ Վիկտոր Գումինսկու գլխավորությամբ, այցելել է Երևան: Այցի ընթացքում խորհրդարանականները հանդիպել են մի շարք բարձրաստիճան անձանց հետ:
Բելառուսի Ազգային Ժողովի Բելառուս-Հայաստան միջխորհրդարանական համագործակցության հանձնաժողովի պատվիրակությանը այսօր ընդունեց Եվրոպայի անվտանգության և համագործակցության կազմակերպության խորհրդարանական վեհաժողովում ՀՀ ԱԺ պատվիրակության ղեկավար Արամ Սաֆարյանը: Հանդիպմանը մասնակցում էր նաև Հայաստանում Բելառուսի արտակարգ և լիազոր դեսպան Ստեպան Սուխորենկոն:
Հանդիպման ընթացքում կողմերը քննարկել են մի շարք երկկողմ հարցեր` անդրադառնալով Հայաստանի ներքաղաքական դրությանը: Մասնավորապես, խորհրդարանականներն անդրադարձել են Հայաստանում առաջիկա խորհրդարանական ընտրություններին:
Բելառուսի պատվիրակությունը շնորհակալություն է հայտնել Հայաստան-Եվրամիություն խորհրդարանական համագործակցության հանձնաժողովի համանախագահ Նաիրա Զոհրաբյանին միջազգային կառույցներում բելառուսական խնդիրներն առաջ տանելու գործում աջակցության համար:
Պատվիրակները ծանոթացել են նաև Հայաստանի ԱԷԿ-ի աշխատանքին, որպեսզի հետագայում հայկական փորձը կիրառեն Բելառուսում: