Ռիո դե Ժանեյրոյի ոստիկանները, հրշեջներն ու փրկարարները, որոնք անցյալ ուրբաթ օրը գործադուլ էին հայտարարել աշխատավարձի և սոցիալական նպաստների բարձրացման պահանջով, որոշել են աշխատանքի դուրս գալ ավանդական դիմակահանդեսի նախաշեմին, որը սկսվում է փետրվարի 17-ին: Գործադուլը հանցավորության ալիք է հրահրել. հաճախացել են գողություններն ու սպանությունները:
Փողոցների պարեկությունն իրականացվում էր գործադուլին չմասնակցող ոստիկանների, ինչպես նաև մունիցիպալ պահակախմբի ուժերով: Բրազիլիայի իշխանությունները ձերբակալել են գործադուլի կազմակերպիչ 29 հոգու:
Ռիոյի քաղաքապետարանի տվյալների համաձայն, քաղաքի փողոցներ են դուրս եկել արդեն ավելի քան 100 փողոցային նվագախմբեր` զուգված արտիստների, զբոսաշրջիկների և տեղի բնակիչների ուղեկցությամբ: Հիմնական մայրուղիները, ըստ ավանդույթի, փակվել են զբոսնողների հարմարավետության համար, հաղորդում է Euronews-ը:
