Նյու Յորքում Sotheby's աճուրդի տունը փետրվարի 14-ին համընդհանուր ցուցադրության է դրել 38 հազար իսպանական մետաղադրամներից կազմված հավաքածու, որը կվաճառվի մարտի 8-ին, հաղորդում է Lenta.ru-ն՝ մեջբերելով աճուրդի կայքը: Հավաքածուն գնահատվում է 25-35 միլիոն դոլար:
Ամերիկացի մագնատ Արչեր Հանթինգտոնի կողմից հավաքված հավաքածուի մեջ կան 37895 մետաղադրամնր: Ամենամեծ արժեքը ներկայացնում են XV դարի հազվագյուտ նմուշները, ինչպես նաև մ. թ. ա. V դարում Պիրենեյան թերակղզում հատված հնագույն մետաղադրամները:
Ամենահազվագյուտ ցուցանմուշներից է 140-գրամանոց «50 Excelentes» ոսկեդրամը, որը հատվել է XV դարում Իզաբելլա Կաստիլացու և Ֆերդինանդ Արագոնցու կառավարման օրոք: