Ապրիլի 14-17-ը Երեւանում տեղի կունենա «Cooperative Best Effort 2003» բազմազգ զորավարժությունների պլանավորման եզրափակիչ համաժողովը, որոնք կանցկացվեն ՆԱՏՕ-ի «Գործակցություն հանուն խաղաղության» ծրագրի շրջանակներում ընթացիկ տարվա հունիսի երկրորդ կեսին Հայաստանում: Զորավարժություններին կմասնակցեն ՆԱՏՕ-ի գործընկեր եւ անդամ 17 երկրների զինծառայողները: Հայ զինծառայողներից զորավարժություններին կմասնակցեն ավելի քան 100 հետեւակային: Նշենք, որ «Cooperative Best Effort 2003» զորավարժությունների նպատակն է` թեթեւ հետեւակային ուժերի փոխգործակցության մակարդակի բարձրացումը ՄԱԿ-ի հովանու ներքո անցկացվելիք խաղաղարար գործողությունների ընթացքում: