Հայոց ցեղասպանության զոհերի հիշատակը հարգելու համար նախօրեին Վաշինգտոնում ԱՄՆ հայկական համայնքի ներկայացուցիչներին են միացել Կոնգրեսի ավելի քան 50 անդամներ: Ինչպես տեղեկացնում է Հայ դատի կոմիտեն, հայկական համայնքը ամեն տարի հավաքվում է Կապիտոլյան բլրի վրա` հարգելու Հայոց ցեղասպանության զոհերի հիշատակը եւ քննարկելու աշխարհի հայերին հուզող հիմնական հարցերը: Արարողությանը մասնակցել են ԱՄՆ-ում Հայաստանի դեսպան Արման Կիրակոսյանը, Վաշինգտոնում Լեռնային Ղարաբաղի ներկայացուցիչ Վարդան Բարսեղյանը, հայ հոգեւորականության ներկայացուցիչներ: