Apple ընկերությունը հայտարարել է պրոմո-ակցիայի մեկնարկի մասին, որի շրջանակներում App Store օնլայն խանութից 25-միլիարդերորդ հավելվածը ներբեռնած օգտագործողը կստանա մրցանակ, գրում է appleinsider.ru-ն: Որպես մրցանակ կտրվի iTunes նվեր քարտ 10 հազար դոլար անվանական արժեքով:

25-միլիարդերորդ ներբեռնման սահմանը կհաղթահարվի այն ժամանակ, երբ ընկերությունը նախատեսում է ներկայացնել iPad 3 պլանշետը: Տվյալ պահին App Store-ից ներբեռնել են ավելի քան 24 միլիարդ անգամ: