Եվրոպական Միությունը, ամենայն հավանականությամբ, մոտ ժամանակներս նոր պատժամիջոցներ կներմուծի Սիրիայի նախագահ Բաշար Ասադի վարչակարգի դեմ, Լոս Կաբոսում (Մեքսիկա) մամլո ասուլիսի ժամանակ հայտնել է Գերմանիայի արտգործնախարար Գվիդո Վեսթերվելլեն: «Մենք նոր պատժամիջոցներ կընդունենք Եվրոպայում և դրա սահմաններից դուրս: Ամենայն հավանականությամբ, դրանք կընդունվեն հաջորդ շաբաթ, քանի որ ռազմական գործողությունները Սիրիայում շարունակվում են»,- հաղորդել է Վեսթերվելլեն Reuters գործակալությանը:
ԳՖՀ ԱԳ նախարարը հրաժարվել է նշել ԵՄ կողմից դիտարկվող կոնկրետ պատժամիջոցները, սակայն G20-ի ներկայացուցիչը, որը ցանկացել է անհայտ մնալ, հաղորդել է, որ մի շարք պատժամիջոցներ ուղղված կլինեն Սիրիայի Կենտրոնական բանկի դեմ: