Աֆղանստանում ՆԱՏՕ-ի զորքերի ամերիկյան հրամանատարությունը ներողություն է խնդրել իր զինվորների համար, որոնք այրել են Ղուրանը ու նախաձեռնել են միջադեպի հետաքննությունը: Այդ մասին ասվում է Աֆղանստանում Անվտանգության աջակցության միջազգային ուժերի՝ ISAF, հրամանատար, գեներալ Ջոն Ալլենի հայտարարության մեջ, որ հրապարակվել է ISAF կայքում:
Գեներալ Ջոն Ալլենը ներողություն է խնդրել մասնավորապես Աֆղանստանի նախագահ Համիդ Քարզայից, կառավարությունից ու ժողովրդից:
Ղուրանը պղծելու առաջին մեղադրանքները հնչեցին աֆղանական կառավարության անդամի կողմից, հայտնում է Agence France-Presse-ը: Այդ հաղորդագրությունները տեղի բնակչության բողոքի պատճառ դարձան: Ցույցեր անցան Բագրամի ամերիկյան ռազմակայանի մոտ, ինչպես նաև Քաբուլում: