Իսպանական Marca թերթը կազմել է ֆուտբոլիստների ստացած ամենաանհեթեթ վնասվածքների ցուցակը, որի մեջ մտել են 13 խաղացողներ: Ցուցակը հայտնվել է «Վալենսիայի» խաղացող Էվեր Բանեգիի վնասվածքից հետո, ով լցակայանում ստացել էր փոքր ոլոքի և մեծ ոլոքի կոտրվածք:

Ցուցակում առաջին տեղը զբաղեցնում է Ալեսսանդրո Նեստան, ով դաստակի ջլերի պատռվածք է ստացել PlayStation խաղալու ժամանակ: Պայմանական երկրորդ տեղում է Ռիո Ֆերդինանդը, ով բազմոցին նստած վնասել է ծունկը՝ փորձելով ոտքով հասնել հեռախոսին: Երրորդ տեղում է իսպանացի դարպասապահ Սանտյագո Կանիսարեսը, ով լոգասենյակում փորձելով ոտքով պահել օծանելիքի վայր ընկնելը, ստացել է ջլերի վնասվածք և Իսպանիայի հավաքականի կազմում չի մասնակցել 2002-ի աշխարհի առաջնությանը: