Արհեստական միջազգային էսպերանտո լեզուն դարձել է 64-րդ լեզուն, որից թարգմանություններն ապահովում է Google Translate: Այս մասին հայտնում է Google-ի կորպորատիվ բլոգը:

Էսպերանտոյից թարգմանելու գործառույթը արդեն հասանելի է Google Translate սերվիսի բրաուզերային տարբերակում: Առաջիկայում ընկերությունը ծրագրում է էսպերանտոն ավելացնել նաև Google Translate-ի բջջային տարբերակին և iOS, Android ծրագրերին:

Ներկայումս Google Translate ծրագիրն ապահովում է 64 լեզուներից տեքստերի թարգմանություն, 17 լեզուների ձայնային մուտքագրում, 24 լեզուներից տեքստի վերափոխումը խոսքի: