Վահան Հովհաննիսյանը անթույլատրելի է համարում բանակի ներգրավումը ներքաղաքական գործընթացներին24 փետրվարի 2012 - 13:06 AMT PanARMENIAN.Net - Խորհրդարանական ընդդիմադիր ՀՅԴ խմբակցության ղեկավար Վահան Հովհաննիսյանը լրագրողներին մեկնաբանել է ԱԺ «Արտակարգ դրության իրավական ռեժիմ սահմանելու մասին» օրինագիծը, որն ընդունվել է առաջին ընթերցմամբ, սակայն վերադարձվել է լրամշակման: Հովհաննիսյանը հայտարարել է, որ նախկին ձևաչափոով այն անընդունելի էր: «Մի բան պարզ է, որ բանակի ներգրավումը ներքաղաքական գործընթացներին անթույլատրելի է, քանի որ դա հակասում է Սահմանադրությանը»,-հայտարարել է նա: Հովհաննիսյանի խոսքով, անթույլատրելի է նաև, որ նախագահը նման որոշումները միաձայն կայացնի: Հովհաննիսյանը հավելել է, որ նման գործընթացներին բանակը ներգրավելու փոխարեն, անհրաժեշտ է ամրացնել նորքին զորքերը և անվտանգության մարմինների համապատասխան ստորաբաժանումները: Նա նաև ուշադրություն է դարձրել նրան, որ փոխանակ նախապատրաստվելու նորմալ ընտրությունների և 2008թ մարտի 1-ի նման դեպքերից խուսափելու փոխարեն, իշխանությունները պատրաստվում են իրավիճակի նման զարգացմանը: ՀՀ ազգային ժողովը փետրվարի 9-ին առաջին ընթերցմամբ ընդունել է «Արտակարգ դրության իրավական ռեժիմ սահմանելու մասին» օրինագիծը: Ըստ օրինագծի, Հայաստանում արտակարգ իրավիճակ կարող է մտցվել միայն այն դեպքում, երբ առկա են հանգամանքներ, որոնք անմիջական վտանգ են ներկայացնում սահմանադրական կարգի համար, մասնավորապես` այն ուժով փոխելու և իշխանությունը գրավելու փորձի դեպքում: Ըստ փաստաթղթի, արտակարգ իրավիճակ է հայտարարվում նաև այն դեպքում, երբ առկա է զինված խռովություն, զանգվածային անկարգություններ, ահաբեկչական գործողություններ, օբյեկտների օկուպացիա և բլոկադա, անօրինական զինված խմբավորումներ, ազգային, ռասսայական, կրոնական հակամարտություններ, որոնք ուղեկցվում են բռնի գործողություններով և անմիջականորեն սպառնում են մարդկանց կյանքին և առողջությանը: Համաձայն փաստաթղթի զինված ուժի կիրառումը թույլատրելի է այն դեպքում, երբ Ոստիկանության և Ազգային անվտանգության ուժերի զորքերը չեն կարողանում լուծել իրենց առջև դրված խնդիրները: «Արտակարգ դրության իրավական ռեժիմ սահմանելու մասին» օրինագիծն ընդունելու փորձեր 2 անգամ արվել են 2007թ, սակայն քննարկման արդյունքում ծագած հակասությունների պատճառով, դրանք հետաձգվել են: ՀՀ վարչապետ Տիգրան Սարգսյանը առաջարկել է ԱԺ խոսնակ Սամվել Նիկոյանին կառավարություն վերադարձնել առաջին ընթերցմամբ ընդունված օրենքը` այն վերամշակելու համար: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին Ոստիկանի արձագանքը քաղաքացիների հարցին․ «Բիրտ ուժ երևի չեք տեսել» Բերման են ենթարկել խաղաղ անհնազանդության ակցիա իրականացնող քաղաքացիներ, որոնք նստած էին մայթին ՌԴ–ում ձերբակալել են Տիգրան Ուրիխանյանին․ Ռուսական կողմը տեղեկատվություն է տրամադրել «Այո, ռուսական կողմը տեղեկատվություն տրամադրել է այդ մասին»,-ասել է Սարգսյանը |