Թուրքական դատարան կարող է նոր հայց ներկայացվել թուրքահայ լրագրող, «Ակոս» թերթի խմբագիր Հրանտ Դինքի սպանության գործով, եթե նոր մանրամասներ ի հայտ գան: Այս մասին հայտարարել է Թուրքիայի արդարադատության նախարար Սադուլլահ Էրգինը այն բանից հետո, ինչ հրապարակվել է այս հարցով Թուրքիայի Պետական վերստուգիչ խորհրդի զեկույցը:

Փոխվարչապետ Բեքիր Բոզդաղը խիստ քննադատության է ենթարկել Ստամբուլի դատարանի հայտարարությունն այն մասին, որ Դինքի սպանության ետևում կանգնած չէ կազմակերպված հանցագործ համակարգ: «Ես չգիտեմ, արդյոք իմաստ ունի դատարանի համար ճանաչել, որ այդ գործողության ետևում կանգնած է խոշոր կազմակերպություն ապա հերքել այդ միտքը»,-ասել է Բոզդաղը, հայտնում է Hurrieyet-ը:

Գործով դատավարությունն ավարտվել է լրագրողի սպանությունից հինգ տարի անց: 2007թ հունվարի 19-ին Հրանտ Դինքը սպանվել էր իր հրատարակչության մոտ: Կասկածյալ Օգյուն Սամասթը ձերբակալվեց 32 ժամ անց: 2011թ. ամռանը Ստամբուլի դատարանը նրան դատապարտեց 21 տարվա ազատազրկման: Լսումների ժամանակ Սամասթը հայտարարեց, թե ինքը դարձել է թուրքական իշխանությունների հակահայկական քարոզչության զոհը:

Դինքի ընտանիքի փաստաբանները գտնում են, որ Սամասթը գործիք է եղել հանցագործության պատվիրատուների ձեռքում: