«Հայկական ժամանակի» աղբյուրները պնդում են, որ ՀՀԿ-ն և ԲՀԿ-ն համաձայնության են եկել Արմավիրի թիվ 21 ընտրատարածքի հարցում: Որոշվել է, որ այստեղ չպիտի առաջադրվեն ոչ ՀՀԿ-ական Նահապետ Գևորգյանը, ոչ ԲՀԿ-ական Ռուստամ Գասպարյանը: Թերթն արդեն գրել էր, որ իրենց տեղեկություններով` Սերժ Սարգսյանը Գագիկ Ծառուկյանից պահանջել է՝ Ռուստամ Գասպարյանը չառաջադրվի թիվ 21-ում: Այս ընտրատարածքից գործող պատգամավոր Գասպարյանը դեռ մեկ շաբաթ առաջ թերթի թղթակցին ասել էր, թե այդ ընտրատարածքից չի առաջադրվի միայն մի դեպքում, եթե Նահապետ Գևորգյանը` Նովոն, չառաջադրվի:
Երեկ Նահապետ Գևորգյանը հայտարարել է, թե թերթի հետ խոսելու բան չունի և անջատել է հեռախոսը: Ռ. Գասպարյանի հետ այդպես էլ չի հաջողվել խոսել: «Հայկական ժամանակի» տեղեկություններով, Սերժ Սարգսյանը Ծառուկյանից նաև պահանջել է Ռ. Գասպարյանին ԲՀԿ համամասնական ցուցակի անցողիկ տեղերում չընդգրկել:
