Հայ բռնցքամարտիկ Արթուր Աբրահամի փրոմոութեր Կալլե Զաուերլենդը ասել է, որ Պյոտր Վիլշևսկու դեմ մենամարտը լավ հնարավորություն է Աբրահամի համար. «Արթուրը պետք է հաղթի այս մենամարտում, որպեսզի հնարավորություն ունենա պայքարելու չեմպիոնական կոչման համար»:
Բռնցքամարտիկների մենամարտը կկայանա մարտի 31-ին գերմանական Քիլ քաղաքի «Sparkassen» արենայում: Ինքն Աբրահամը խոստովանել է, որ մենամարտը հեշտ չի լինի, սակայն ինքը կաշխատի լավ մենամարտ ցույց տալ և հաղթել»,-բռնցքամարտիկի խոսքը հայտնում է boxingscene.com-ը:
Բռնցքամարտիկի մարզիչ Ուլի Վեգները հավելել է, որ ինքը Աբրահամից միայն հաղթանակ է ակնկալում:
Իր հերթին Վիլշևսկին հայտարարել է, որ ինքը Քիլ է եկել հաղթելու համար. «Արթուրը ուժեղ բռնցքամարտիկ է, սակայն հաղթանակն իմն է լինելու»: